كلمات اغنية نصيبي وقسمتك 2 يارا

كلمات اغنية نصيبي وقسمتك 2 يارا

يمكن فيه دنيا ماشوفنهاش
ايامها حلوة ماعيشنهاش
يمكن نصيبي وقسمتك
لسه ف علم الغيب مجاش
الدنيا نصها هيى
على كيفك تشكلها
و حضنها كله حنية
بتترمى فيه وتشكي لها
تعيش بسلامة النية
لناس لا مودة ولا رحمة
مشاعر تايهة في الزحمة
طيبتها سر مشاكلها
تعدى عليها ليلة العمر
لحظة فى وقتها حلوة
وتسرق فرحة بيها تمر
وتسرح مرة مع غنوة
ليه تفضل بس شاربة المر
وتدعى يا رب صبرها
و كتر الهم كبرها
وهى لا حول ولا قوة
الوحدة زى طلوع الروح
ومتهيألي لأ اصعب
دى واحدة قلبها مجروح
ودى من غلبها بتتعب
و ناس تيجى وناس بتروح
ودى لسه على حالها
لا حد سألها يوم مالها
ولا على قلبها طبطب
حياتها الحب لو حساه
بكلمة شكر تتأثر
وعشقها مستحيل تنساه
تهون عشرتها تتحسر
تعيش بعد الفراق مأساه
تشوف كل البشر غامضة
وتعمل نفسها جامدة
وجوة قلبها مكسر